ViuTV節目《調教你MIRROR》前（25日）晚播出各成員重演當年參加《全民造星》時的表演項目，呂爵安（Edan）在Instagram貼了有關片段，並搞笑表示「髮型的重要性」，他寫道：『爵安有云：人靠衣裝，明星靠化妝。呢段片就展現咗爵安三年裏嘅變化。（利申：我覺得都係靚仔嘅）。好啦，認真mode。收工返屋企先睇返呢part，睇返而家嘅自己同三年前嘅自己，真係有種唔識形容嘅感觸。」
Edan表示這3年感到好夢幻：「三年前嗰位傻更更反住白眼自彈自唱嘅大學生，應該冇諗過三年後會有一首屬於自己嘅歌，然後喺演唱會自彈自唱。亦都唔會估到三年後會有咁多唔同嘅演出機會，有咁多人支持同留意。所以望住以前嘅自己，更加提醒到我一定要繼續進步，去成為一個更好嘅藝人；亦提醒到自己要勿忘初心，珍惜每一個機會，要保持謙卑，懂得感恩；同時都好多謝所有喺呢三年一直支持Edan，支持MIRROR嘅大家。」
Edan叫大家放心，他不會逼得自己太緊，更自嘲出名懶：「期待三年後的呂爵安，請大家繼續『育成』我哋！」
