何雁詩和李家鼎看似風馬牛不相及，原來兩人早在9年前已合作拍攝劇集《雷霆掃毒》，何雁詩在社交網曬了和鼎爺合照，她寫道：「第一次拍劇（9年前）已經遇到鼎爺呢位前輩，以前有聽人講話鼎爺好惡呀etc，但係同佢合作之後，發覺佢只係有要求+嚴謹。鼎爺從來無鬧過我，甚至成日同我講笑，最記得佢之前喺公司sales presentation好多人面前問我最近有無『扑嘢』，原來佢問緊我最近有無打golf嗰種。總之呢，最緊要對自己有要求，做嘢唔好hea，個個都可以進步，好似鼎爺咁，好多前輩都係一步一步捱出嚟，唔好心急，加油呀！」
