李璨琛的3歲女兒李元元（Lucy）可愛又搞笑，是網民眼中的開心果，Lucy向來喜歡搽指甲油，Lucy媽今午在社交網貼了囡囡搽指甲油的短片，她寫道：「琴日晏晝有班怪姨姨帶咗LU出街，買咗呢set油指甲機比LU。LU返屋企先，然後爸媽先返屋企。一入門口，母發現個女又喺度搽緊指甲油，雙眼發光咁同個老母介紹返：『我有新指甲油』。嗰陣已經係夜晚10:30。有人新屎坑臨瞓前，死都要個老母幫佢搽，開頭，有人搽來搽去都搽唔好扁晒嘴，後來老母沖完涼幫佢搽，個人即刻開心晒﹑風騷晒﹑生猛晒，呢個人真係好麻煩 #我好眼瞓 #但都要搽指甲油㗎 #唔搽點瞓得着啫麻煩」。
