東京奧運已圓滿結束，無綫、ViuTV及香港開電視都有製作奧運賽事節目，觀眾對三台各有不同評價。King Jer娛樂台facebook專頁今晚（8月7日）問網民：「2020東京奧運曲終人散！今屆港隊創佳續，談論度亦非常高，更破天荒有三間免費電視台播賽事：77台、81台同99台，大家覺得邊台做得最好？」有逾12000個網民支持香港開電視，ViuTV則有4000多人支持，無綫有90多票。
網民反應熱烈發表意見，其中前無綫新聞主播方健儀留言撐開電視：「開電視係用心製作的。」很多網民都認同她說：「今次奧運大部分都睇開電視，主持專業外，亦好有心搵好多運動員及敎練做專業旁述及分享，連珊珊（李麗珊）同Sam哥（黃德森）都撐cable，識睇梗係睇開電視。」有網民指ViuTV：「除咗96台，99台成日將啲重點賽事夜晚先播，仲話畀人有得選擇，笑到喊。」
