廣告界新寵|ANSONBEAN踩單車失手跌低 難忘畀小朋友「恰」 (14:01)

文章日期:2021年08月09日

寰亞新人ANSONBEAN(陳毅燊)再有新廣告登場,今次是乳酸飲品廣告。ANSONBEAN花了3天時間拍攝。他說:「拍這個廣告,一來好開心,二來有少少惆悵,因為要凌晨2、3點起身去開工,之後拍到第二日凌晨1點先收工,變相我要好早瞓覺,調節生理時鐘。」

廣告內容講ANSONBEAN愛上運動型少女,他說:「其實今次廣告拍攝好好玩,好多搞笑場面,仲要我踩單車失手跌低,不過最難忘係我要畀小朋友『恰』,仲要不斷畀佢鬧,又用水槍射我,我咁大個人都未試過畀小朋友『恰』。」

除了被小朋友欺負,ANSONBEAN還要和一隻被他救回來的蝸牛對戲,當他情深地對着蝸牛講少男心事時,期間ANSONBEAN心儀的運動型少女突然出現,原來她發現遠處有足球正射向ANSONBEAN,於是上演了一幕「美女救英雄」,非常搞笑。

提到成為廣告界新寵,ANSONBEAN感謝客戶愛戴,問他還想接拍什麼類型廣告?他想也不想便說:「最希望拍到遊戲機廣告,因為內容可以天馬行空,又可以加CG,一定好好玩,同埋我都好鍾意打機。」

談到收入愈來愈多,ANSONBEAN表示暫時未想到買禮物獎勵自己:「我未諗點樣獎勵自己,反而買咗好多嘢飲畀工作人員,係我第一次『萬歲』,因為呢幾日拍攝,大家又曬又熱勁辛苦,請大家飲嘢我覺得好應該。」

(即時娛樂)