何韻詩將於9月8至12日假香港藝術中心壽臣劇院舉行7場「《你尚未成為的》Hocc Shouson Live 2021」演唱會，門票今早10時公開發售，於短短兩分鐘售罄﹗據知，演唱會屆時將進行網上直播，有關門票稍後會公開發售。
阿詩今日在社交平台分享演唱會宣傳短片，她說︰「亂流下，點樣定住自己嘅心，唔好俾每日突如其來嘅事沖走自己，先係最大功課。我哋下意識認為自己擁有最多時間，但其實你永遠都唔會知下一秒將會如何。從未試過一個演出如此真實但又如此一瞬即逝。我提醒自己，每一次都當最後一次，每一次都係bonus，個天送嘅，多出嚟嘅。盡己一切能力，專注，做好。我打呢段文字時，收到消息兩分鐘已售罄。感動，感激。感謝每一位一直同樣用盡全力支持我呢隻菇嘅你哋。期待到時用我整個靈魂擁抱你哋每一位。#已完售 #online票待續」
