陳少邦榮升新手爸爸 鄭加盈憶產女過程︰痛死我 (13:35)

文章日期:2021年08月19日

與林峯、楊茜堯同期、於無綫劇集《逆天奇案》飾演「細魏生」的陳少邦榮升爸爸,太太鄭加盈為他誕下女兒。

兩人在社交平台上載女兒正在熟睡的照片,陳少邦說︰「曾經我唔相信世界上係有天使,直到我遇到妳媽媽,我相信了,到依家你嘅來臨更加令我相信世界上真係有天使㗎,仲要俾我遇到,我只能夠用我生命去愛你哋同保護妳哋,雖然我同妳哋唔同我只係一個愛妳哋嘅一個凡人。#囡囡豬 #三人行 #獅子女 #天使」

鄭加盈則表示︰「每個生命都是一份恩寵,感恩你平安順利的到來... 走過人生『最痛』換來人生『最愛』。痛死我的生產經驗,長過馬拉松。我唔會話你知生仔好易,但我想話你知生仔好值。媽媽萬歲,無論順產開刀都不容易。媽媽加油,You are not alone﹗」

(即時娛樂)