C AllStar經理人公司老闆不滿MIRROR壟斷廣告 開手機App見姜濤嗌討厭 (14:59)

文章日期:2021年08月28日

MIRROR今年人氣急升,成為不少廣告客戶及品牌活動的寵兒。保守估計,12子單是今年已拍了超過150個廣告,「人氣王」姜濤已獨佔了近40個。一眾「鏡粉」無論去到邊,或只是打開手機App、看電視都能見到MIRROR的蹤影當然開心,但MIRROR爆紅的同時卻惹來某些人反感。

姜濤最近成為流動支付程式的代言人,組合C AllStar經理人公司老闆阿拔在Instagram的限時動態出Post鬧爆,指現在每次打開該程式都會見到姜濤,覺得「討厭到一個點」,並表示「依家焗睇」及打上「擾民級別」的主題標籤。阿拔還指MIRROR正職不是歌手,而是廣告從業員。不過,阿拔認為如果同樣情况發生在其公司藝人身上,甚至是出現在C AllStar身上,他都會覺得不知所謂及討厭。

事件引來大批鏡粉不滿,C AllStar成員釗峰、On仔(陳健安)先後在社交平台出Post,企圖化解今次「公關災難」。釗峰表示︰「對於我嚟講,『大人』嘅言論我冇資格點評,只能夠講,出於釗峰意見,呢個絕對唔係我哋一貫組合嘅立場同方向。多謝大家關心。」On仔則說︰「每個讓人看見強大的人,必經過極度痛苦的經歷,所以不用羨慕不用妒忌。旁人只見他們得到甚麼,從來不知他們失去甚麼。別人成功,好好替別人高興,別人失意,好好鼓勵一下。互相支持,尤其是這幾年,尤其是同行人,我們才會健康成長。感恩﹗」不少網民留言讚On仔講得好,讚他以「大智慧定風波」。

(即時娛樂)