Super Girls（SG）成員蔡明思（Jessica）的老公Steven日前生日，她為老公舉行了一個易服生日派對，Steven和眾男性好友齊反串扮索女，其中C AllStar成員釗峰身穿性感吊帶裙，擺出嫵媚姿態，「驚」艷全場！釗峰夤夜在Ig貼相並留言「慎入」：「喂唔係吖…真係慎入！睇完嗰啲當冇事發生過啦好嘛！
冇辦法… 我知道件事揚咗… #咁唯有夜麻麻鬼揞眼出咗佢 #之後當乜事都冇 #我未試過出post要勇氣 只可以講一句… @stevenchenzzz 生日快樂！#還是要玩樂日子反正無多 #我reference係羅敏莊 #Yanny話我係湯寶如 #做人必須懂放下完美 #同時也試試接納自己。」
Jessica則寫道：「期待咗呢個易服生日派對好耐，估唔到大家咁瘋癲，每一個都咁認真對待呢件事，由MK派對到非男非女派對，大家都表現出色，笑到我好攰，好鍾意呢班咁黐線嘅人，無論同佢哋玩咩都咁開心，真係好感恩陳冠身邊有你哋。」Jessica還笑稱老公是被耽誤的女人呢！
