瑜伽導師林芊妤（Coffee）的囝囝翟德彥（伯伯）下星期便滿3歲，Coffee不時在社交網分享和囝囝生活點滴。今天Coffee在Instagram貼了囝囝好似「大少」般坐在大咕臣上，並拿着腸仔看電視，Coffee笑指自己是個不懂享受生活的女人，但卻生了一個最懂享受生活的兒子，她寫道：「我老公嘅基因真強大，Chill呢家嘢真係天生㗎，佢將享受推到另一個層次。」
今晚Coffee再在Ig貼了和囝囝跳舞片段，只見伯伯興奮得手舞足蹈，Coffee留言：「為咗與時並進，我最近跟咗位跳舞老師（囝囝）學跳舞，唔…我覺得我有潛質。」伯伯還搞笑讚媽咪跳得好呢！
