戴夢夢今天在社交網宣布婚訊，不過新郎不是舊愛、太極成員Ricky，而是圈外人Kyle。夢夢開心分享了兩輯浪漫婚紗照，一對新人朗才女貌，十分合襯。
夢夢未婚夫Kyle是圈外人，從事金融工作，兩人因為緣分遇上，並認定對方是終身伴侶，馬上組織幸福家庭。夢夢大讚未婚夫體貼，而且廚藝精湛，她拍拖後便大有口福。
一對新人已入紙註冊，婚期定在下月，屆時會安排律師見證簽字。夢夢日前與Kyle拍攝婚紗相，為留下最美一刻，他們邀請了著名攝影師Chan Kit操刀，其中一輯是人約黃昏後的郊外景，另一輯是雨中街景，準新娘夢夢說：「兩輯相都好鍾意，由黃昏影到夜晚，影咗6粒鐘。」
為營造雨景，攝影隊更book了一部水車，夢夢和未婚夫Kyle被淋到全身濕透，她說：「我好鍾意呢輯淋雨婚紗相，淋雨淋足兩個鐘，入夜已有秋意，濕身有啲凍，因為係咁落大雨，好似黑色暴雨咁，我一邊影啲假雨水一邊入晒口，仲飲咗好多，雖然辛苦，但出嚟效果好靚，都影得開心，好有我哋風雨同路嘅感覺。」
