黃婉曼（Icy)網上直播節目《安品·生活》邀請好友「啤梨」葉文輝與懷鈺任嘉賓。葉文輝跟Michelle結婚5年，已為人母的Icy跟懷鈺肉緊他未加入父母行列，齊齊給他提供生B貼士。Icy炮製了滋補壯陽的花膠、海參，還有韭菜炒蛋，他笑說：「太壯喇，好誇張！」
問啤梨為何至今仍未生B?他說：「婚後一直都想生，不過疫情呢兩年，困住冇得出街，感到生活有壓力。最近又有唔同想法，見到朋友啲細路仔，又好想有個『小啤梨』，呢個感覺好強烈。」啤梨表示太太工作忙也沒時間生B，說：「我哋有溝通，每次見佢都好攰，佢好鍾意返工。」Icy與懷鈺提議啤梨留意太太的排卵期，又分享吃不同酸鹼性食物有機會影響BB性別，或參考清宮圖，他說會全部建議也會參考。
