周潤發被集郵罕有黑面 網民澄清:發哥給我不同款式表情 (19:25)

文章日期:2021年11月03日

周潤發(發哥)向來親民,當市民在街上或行山時巧遇他要求合照時,發哥也來者不拒。近日有網民向發哥集郵,相中發哥皺眉兼木無表情,該網民則寫道:「今(昨)日10點約朋友大埔食嘢,我叫朋友揀食大埔邊間?佢話最深刻我在『林記』見到發哥,所以就揀去食點心,點知一坐低竟然又見到發哥,即刻再去捕獵,發哥話:『你又嚟?你成日擺我上網喎!』我回應『係呀!發哥你受歡迎嘛!我每次同你影相都好喜悅同開心!』發哥就拎起電話同我又合照了!😍😍😍」

雖然相中的發哥被指黑面,但該網民在hashtag澄清:「#發哥是超Nice並無唔開心及黑人面 #發哥話今次俾啲唔同款式嘅表情給我 #講真每次見到發哥都有緊張同開心。」有網民指他曾捕獲7次發哥,他則澄清3年來只影了5次。

(即時娛樂)