許靖韻（Angela）首次獲得「KKBOX年度風雲歌手」，前晚（6日）她上台領獎時笑說：「突然間發覺好耐無喺舞台講嘢，有啲緊張。」Angela先後跟JUDE（曾若華）與Dear Jane合唱，獨唱部分時，她連續唱出《When I was your man》、《情歌之後》、《被討厭的勇氣》 及新歌《I'm sorry》。
Angela說演繹《被討厭的勇氣》時，腦袋突然勾起感動回憶，「好似回到2018年『小背心音樂會』，因為見到全部人都舉起手機燈。當時唱《被討厭的勇氣》都係有一個好靚嘅畫面，我好感動，諗返起喺這幾年間大家一路陪我由『小背心』去到大家知道我係許靖韻，然後有自己的原創歌，一路一路好多好多回憶與經歷」。她又特別感謝林奕匡，「好開心，好想多謝林奕匡，我有邀請他到場，他亦好想現場睇這個騷，可惜他另有工作。我要多謝林奕匡，因為《別為我好》是他寫畀我，亦令到更多人聽我的歌，成就了我可以在這個台上唱歌」。
