余香凝撇低寶貝女拍廣告 趁空檔狂睇Cam解相思之苦 (16:35)

文章日期:2021年11月09日

余香凝(Jennifer)今年5月誕下女兒後,除了忙湊B外,有空餘時間就做運動喼弗,身材已回復最佳狀態。Jennifer早前接拍補鈣食品廣告,拍攝當日,她換上多個不同造型上陣,除了有瑜伽及運動Look外,更化身家庭主婦「下廚」,難怪她笑言「做番自己」。

今次廣告拍攝10多小時,要離開寶貝女一整天工作,故Jennifer出動與女兒的「私伙」合照作道具,放在拍攝現場,以解相思之苦;每當Jennifer不用埋位及轉造型時,她便拿出手機觀看家中閉路鏡頭。Jennifer說︰「家庭小朋友係放第一位,唯有自己辛苦,等佢瞓時,即刻去做嘢,或者等佢夜晚瞓時,再專心睇劇本,到出街要做嘢,我當然好掛住佢,雖然今次廣告拍攝只係10幾個鐘,我已經不停睇cam,好彩有工人姐姐同長輩幫手,都放心,純粹好掛住佢,所以睇cam同睇佢啲相。」

至於是否「虎媽」?Jennifer說︰「我唔算係一個虎媽,但已經有諗定佢之後有可能去發展或者學習嘅地方,但係始終好睇小朋友本身性格,當然好想畀佢試唔同嘅嘢,睇吓佢鍾意啲乜嘢,但係佢試完唔開心或者唔鍾意,就會刪走,唔會迫佢去學。」

(即時娛樂)