AGA明年紅館個唱 喜獲七仙羽加持 (19:05)

文章日期:2021年11月11日

女歌手江海迦(AGA)將於明年1月29日、30日在紅館舉行首個個人演唱會《AGA Gaia Live》,經歷過改期,加上早前身體抱恙,克服了重重波折後,終於圓夢踏上紅館舞台。AGA恩師兼監製舒文,特意請來七仙羽(七師傅)指點迷津,從兩款演唱會海報之間挑選;而舒文當日衣著,原來都有玄機。

七師傅出名鬼馬,面對舒文問到AGA每次開騷都遇上天氣問題,七師傅神回應:「係關天文台事嘛,AGA要同天文台台長打好關係,如果台長係AGA男朋友,就自然開騷唔會打風啦!」

關於兩款演唱會海報,一款是AGA身穿紅色長裙正面看鏡頭,另一款是身穿藍身長裙、眼神微微望旁邊,七師傅表示前者較好,她解釋:「藍色嗰張側住頭,廣東話有一句『窒吓窒吓』;紅色裙嗰張霸氣好多,好似塔羅牌上嘅女王!」

問到演唱會成績,七師傅表示門票銷情一定理想,更利用周遭事物與舒文衣著預測,她說:「你(舒文)件衫上面有『DEAD』,即係先死而後生,然後長出粗壯樹幹,枝葉向四面八方咁生,啲人一定會攀山過海嚟睇!」

七師傅最後更用「師傅愛你」加持AGA,更表示AGA將會得到「自動加持」。AGA表示多謝七師傅加持,她說:「希望今次開紅館個唱唔會打風,承佢貴言,多謝祝福!亦都要多謝舒文,因為知道佢平時唔睇風水,今次為咗我呢個演唱會海報去搵師傅,所以好感恩,好期待演唱會,希望到時請到七師傅嚟睇。」

(即時娛樂)