何韻詩終極斷捨離 掉晒全部獎座:我唔係走路唔係移民 (19:20)

文章日期:2021年11月15日

何韻詩今日傍晚在社交網貼了一堆獎座的照片,並表示不要這些獎座了,原來她要來個「終極斷捨離」﹗阿詩留言:「繼續終極斷捨離之全部唔要。當年努力追求別人肯定,爭餐懵(雖然以「爭」來講已經唔算好積極),到今日見到佢哋鋪晒塵,啲牌呀膠呀又自我瓦解,諗返都覺得當年嘅自己好諧趣。

又,其實大部份早已偷偷棄掉,剩餘嘅都係曾經覺得嘅某種里程碑。雖然物件意義早已不在,但公道講句,攞過上手嘅,都曾為當年年少嘅自己添加一點點自信,一點點validation(確認),都係成長和蛻變中必須嘅。感謝你哋為我帶來嘅一切。

今日慶幸一切經歷(同埋呢次decluttering(清理)),令我更清楚自己需要什麼,不需要什麼。過去不必要嘅重量,大可衷心說聲感謝,然後放手,讓它們成為真正的過去。輕裝上路,爽爽朗朗地前行,先有力氣同彈性創造新嘅自己。謝謝你們,goodbye~!」

最後阿詩表示已丟棄屋內2/3物件,又強調:「唔使亂估 我唔係走路 唔係移民 唔係變賣家當 多謝關心。」

(即時娛樂)