ONE PROMISE鼓手Anton骨枯轉做Rapper 陳蕾為音樂兩蚊都要慳 (20:57)

文章日期:2021年11月15日

《JOOX LIVE SPECIAL 2021盡情渴Music On音樂會》前天(13日)在赤柱廣場舉行,周國賢、陳蕾與樂隊ONE PROMISE參與演出,現場有逾500名歌迷好熱鬧。周國賢在台上分享音樂路上的奮鬥點滴,他說:「追尋夢想最緊要係搵到自己鍾意嘅嘢,並堅持到底,總有一日,其他人會睇到你嘅talent同努力!」

ONE PROMISE以新歌《平凡人的自傳》打頭陣,並解釋:「呢首歌真係好啱『追夢』嘅主題,希望將呢首歌送畀無放棄嘅咁多位,一齊努力,向目標進發!」本來是隊中鼓手的Anton(馮卓然)因為手指骨枯一年未癒,宣布會轉為團內rapper,他以一個月時間學習rap,為當日的音樂會準備,希望藉自己30多歲才嘗試rap的經驗鼓勵所有人勇於嘗試。曾比特(Mike)驚喜現身,跟ONE PROMISE合唱新歌《奔跑吧!》。

陳蕾剛完成《沙門》演唱會,問她最熱血的事?她稱一直任性做音樂最熱血,即使到茶餐廳食飯不敢加兩元叫凍飲,仍堅持做音樂。

(即時娛樂)