陳卓賢拍廣告孖狗仔做拍檔:可以一邊玩一邊掙錢 (21:59)

文章日期:2021年11月17日

MIRROR人氣強勁,是廣告商的寵兒,最近成員陳卓賢(Ian)首度成為銀行理財服務代言人,拍攝一系列廣告。Ian在廣告中化身知性型男生,既打排球、籃球,又自彈自唱,並以自身經歷分享人生種種體會,「我好喜歡今次嘅廣告主題『Playlist』,起初我以為呢個App可以聽歌咁好,原來呢個『Playlist』係比喻為我哋嘅人生to-do list,因為我哋每日都會有好多嘢想做,以我為例,不同嘅階段都有唔同追求,以前熱愛排球,就盡全力去訓練,依家鍾意音樂,就瞓身去追夢,儲儲埋埋就變成咗一張好長嘅to-do list」。

除了騷球技及音樂才華外,Ian在廣告中又跟可愛的哥基做對手戲,令一向謹慎冷靜的他也被融化,「我本身有養狗,同樣都係哥基,雖然今次呢位拍檔多數只聽佢主人話,但其實佢都好好戲,好多拍攝要求都做到,玩吓玩吓,不自覺地我就投射咗佢係我嘅狗仔。所以今次拍攝我喺片場玩得好開心,完美符合呢個廣告介紹嘅主題『玩住賺更+多』,等我可以一邊玩一邊掙錢,哈哈」。

(即時娛樂)