張敬軒紅館跨年個唱加開終極3場 共演18場 破個人紀錄 (14:36)

文章日期:2021年12月06日

張敬軒的紅館跨年演唱會加開最後3場,日期為2022年1月13、14和15日,加場門票將於12月8日網上發售。

今年張敬軒事業勢如破竹,無論歌曲、網上平台節目、廣告和電視台節目等,都大受歡迎,軒仔於今個月假紅館舉行入行20周年演唱會,早前加開至15場,破了他個人紀錄,仍未能滿足樂迷需要,需要兩度加場。

據演唱會總監馮貽柏表示,軒仔今次再度加場,是幾經辛苦爭取回來的,並多謝紅館對軒仔支持,希望買不到飛的歌迷,把握最後機會,因為這3場是終極加開,不會再加。

對於個唱場數一加再加,主角軒仔表示多謝樂迷支持,他有能力的話就盡量唱多少少,免令歌迷失望,他說:「好多人向我呻買不到飛,最近我更收到歌迷PM,指買飛遇上騙徒呃錢,所以公司同我研究加場,我考慮過自己體力、工作上調配等問題後,真心希望可以幫到歌迷朋友,等佢哋有再買飛機會,先答應加場。有歌迷朋友同我講,有人冒稱是我們演唱會贊助商,指可以代買演唱會飛,但當大家付錢之後,便聯絡不上,損失慘重。我再勸喻大家,千萬唔好向不明來歷的人買飛,不要受騙。」

演唱會開到18場,而軒仔的歌出名唱到「飛天遁地」,不是常人可駕馭,問軒仔如何保養身體,以應付這18場的體力?軒仔表示最近已非常保重身體,天氣轉冷後不敢怠慢,不想病倒而影響工作,他說:「今次我有專業團隊照顧我聲帶健康,聲樂老師同照顧我聲帶醫生商量過,得出來的專業建議,吩咐我唱5日休2日係最好,咁樣聲帶就可以得到最佳狀態,所以公司一早已按照呢個專業意見,去規劃我整個演出,相信我可以得到最佳休息。依家我唯一敵人就係部手機,大家都知我有手機成癮症,成日一睇就唔知點解又天光,演唱會期間真係要戒,戒唔到點算?或者可能真係要搵人係演唱會收工之後,收走我部手機,咁我先可以早瞓。」

(即時娛樂)