DJ阿正浮誇悲情腔唱《隔離》 林家謙未受影響忍到笑 (21:12)

文章日期:2021年12月16日

商台DJ黃正宜(阿正)今天(16日)化身任務特派員,於中環街頭帶走林家謙進行任務。談及青春必做的事,「唱K」就定必位居三甲,今次的任務便派出「癡女界才女」阿正與唱作才子林家謙在電車「即刻唱K」。

既然是一男一女合唱,阿正即席提議唱熱門K歌《隔離》。林家謙被問到是否感到緊張時,阿正毫不留情踢爆林家謙不安的雙手,一直在玩眼罩,林家謙尷尬說:「唔好影手呀!」

獻唱前,阿正興奮望街,林家謙伸手阻止:「你唔好唔好唔好擰過去,因為佢(阿正)一定會係咁叫人嚟睇!」阿正馬上擰轉面向途人大叫:「林家謙喺度呀!喂,勁開心!Hello,唔好睇電話喇喂!」

林家謙尷尬苦笑:「好尷呀!我愈咁講,你就愈想幫我招惹目光㗎喇!你唔好郁,我哋唱歌喇!」合唱期間,阿正以浮誇式悲情唱腔演繹,林家謙完全不被影響,忍笑功力十足,一如以往穩定完美演唱,2人強烈的對比令場面充滿喜感。

及後,阿正笑稱想唱每次唱K必點的《勁歌金曲》,誰知林家謙彈出旋律,更笑言:「點解我識嘅?」2人更爆笑模仿唱K經典結尾畫面:「大家係咪唱得好開心呢?記得執齊你嘅個人物品,下次嚟唱嘅話,記得唱陳凱詠、呂爵安嘅歌喇!同埋記得唱林家謙啲歌喇!Bye Bye!」

(即時娛樂)

 

相關字詞﹕林家謙 忍笑 阿正 黃正宜 隔離 電車