張敬軒（軒公）去年底於紅館舉行18場跨年演唱會，惟受第五波疫情影響，原定今年1月6日至10日，以及1月13日至15日的8場演出，需要延期至5月舉行。
軒公自從2月1日在Instagram貼了和父母慶祝生日合照後，已有逾3星期沒有更新社交網，直至今天（24日）軒仔終於蒲頭復工，他貼了自拍短片，片中寫住「帶住兩個水樽開工啦！#多喝水 #疫情當中平安。」
軒公表示悠長假期結束，Social media detox亦告一段落，今天終於開工：「大家喺疫情之中要平安。多啲了解疫症嘅相關知識，同各階段嘅治療方法，小心謹慎但係唔好過份擔心緊張，因為壓力因素都會影響免疫系統。
我喺呢個長假期間，俾咗好多時間自己同自己相處，有聆聽，有傾訴，有爭執，有和好又有擁抱。之後慢慢再分享。無論你的思想上、身體上，抑或Testing Kit嘅test device上係Negative定Positive，我哋都一定可以一齊捱得過！#頂住呀 #一定會好㗎。」衛蘭以英文留言時表示，霎眼以為軒公是林家謙。
