本港疫情嚴峻，演藝界已先後有藝人染疫，當中包括歌影視三線發展的甲一籃球員謝高晉。他今天（24日）在社交平台自爆確診，懷疑自己在上周三（16日）中招，他憶述這幾天的情况，「16號開始其實都已經懷疑自己中咗，因為又頭暈又有兩聲咳又攰（幸好無其他病徵），最初期嘅時候用test kit會見到個T字隱約見到一條線。18號起身再驗，T字好快就出現咗，但身體上所有病徵已經無晒，但有少少肚屙。打去衛生署，佢嘅回覆係叫我等吓先。20號再驗嘅時候，都係好快就有T字。好多朋友都關心我，雖然已經無晒事，但都有飲多啲水同瞓多啲。22號再check，變返隱約見到T字。到今日24號再驗，終於變返一條線。總的而言，瞓多啲，飲多啲水，食吓生果就無事㗎啦。希望大家檢驗就negative，生活positive」。謝高晉說自己仍會多隔離數天，又以過來人身分叫大家就算「中招」也不用驚，很快沒事，反而覺得患感冒更辛苦。
