本地第五波疫情嚴峻，健身中心、戲院、美容院及泳池等繼續關閉，不少藝人也呻健身中心停開，未能做運動。陳家樂在社交網貼了半裸騷肌照，相中的他胸肌及腹肌現形，他無奈寫道：「可唔可以至少比番呢幾粒我？ #幾時開gym #雖然唔大但唔keep都真係會冇。」楊潮凱留言笑問：「你想要邊粒先？」袁偉豪則搞笑稱：「飛滋？」
另外，「聲夢」的張馳豪（Aska）亦在社交網貼裸上身曬肌照，他表示從手提電話找出一張在更衣室拍下的照片，又狂呻最近未能做Gym感痛苦，並叫大家撐住。
至於索媽謝安琪（Kay）今天在Ig貼了戴帽及戴口罩跑步的自拍照，不過有網民發現她所戴的粉紅色口罩較大，擔心她未夠安全，Kay則留言：「對唔住，今朝早突然貪靚，想戴一個粉紅色口罩襯衫去跑步，點知唔知係咪我塊面太細，或者粉紅色口罩太大，令大家擔心夠唔夠安全，貪靚但係滑稽咗真係唔好意思，其實裏邊仲戴咗一個貼面嘅（口罩）請大家放心，多謝大家提點同埋關心。」
