林日曦爆黎明新歌由構思到面世不足30小時︰他暗戀大家 (12:43)

文章日期:2022年03月04日

黎明(Leon)推出新歌《Good Luck》為疫情下的港人打氣,負責作曲及填詞的林日曦在社交平台分享創作過程。他表示早幾日接到Leon來電,找他寫一首簡簡單單的歌,黎明覺得人人都身心疲累,要面對不同的問題,所以想透過歌曲向大家說句「Good Luck」。

林日曦說︰「收咗線之後,如有黎助,好快搞掂;轉個頭,我已寫好曲 + 詞;轉個身,就匿入被竇(因為靜啲),錄咗一個唱得都幾難聽嘅demo出嚟send畀佢。雖然我例牌唱得麻麻,但佢冇嫌棄,仲好有善心咁,話首歌幾好;不特止... 1個鐘後,佢仲即刻搵何炳幫手整好咗個結他底;不特止... 18個鐘後,佢已經錄起咗首歌;不特止...19個鐘後,佢已經親手拍埋個『MV』;不特止...24個鐘後,首歌已經mix好出得街。」

林日曦表示由收到黎明電話,到黎明完成錄音及歌曲MV,前後不到30個小時。他相信整件事能那麼快完成只有兩個可能性︰「一係佢暗戀我;一係佢暗戀大家。咁好明顯係後者。希望大家去聽完Leon呢首新歌《Good Luck》之後,好快就有luck。Good Luck to you。」

林日曦又表示︰「覺得只得『半首』唔夠嘅朋友,試吓換一個角度睇個世界:我寫咗半首曲,再寫埋半份詞,Leon又唱咗半首歌;即係... 有1.5首。星期日上埋Spotify、MOOV、iTunes、kkbox,即係...有6首。」

相關新聞︰黎明藉歌聲為港人打氣:Good Luck

(即時娛樂)