MIRROR成員江𤒹生（AK）和王智德（Alton）合唱歌《REBOUND》，MV昨晚（3日）已上架，截至今晚（4日）7時半，新歌MV在YouTube點擊已逾64萬，成績不俗。
C AllStar成員陳健安亦有份客串該MV，安仔上月透露自己感染Omicron，居家隔離了15天，現已痊癒。安仔近日在Instagram貼了跑步及騷肌自拍照，操膊操腹等，他還記錄了8年來，大約跑了2861公里，安仔寫道：「今（昨）日做咗大概一個鐘shoulder+abs workout，跑咗個步，連續四日運動，慢慢上返力，腦霧都開始散去，迎接新chapter。
八年嚟大約跑咗2861公里，我知唔止，因為某幾年成日彈app，就無咗啲紀錄，期待3000公里嗰日，仲差139K。睇住啲數字，我會大概知道自己付出咗幾多，得到幾多，另外係一個好好嘅參考去調整目標。
如果我唔做紀錄，我好容易會被直覺控制，就會以為自己做咗好多嘢，會唔開心，有數據有真相，運動呢家嘢，紀錄對我好重要。 #叫我數據王 #睇住啲數好有滿足感」。
