藝人徐頴堃（Erica）近年踩過界轉戰幕後，繼去年擔任網劇編劇外，今年為網絡平台新歌《#LOVEDUST》填詞，她笑指用另一半作構思藍圖，歌曲亦成為了自己的故事：「我男朋友（張殿星）話寫呢首歌嘅時候，係12月好凍嘅一個晚上，佢話係諗住我嚟寫，聽落好Sweet咁！起初呢首歌係好簡單嘅chord同旋律，後來加入小提琴，同多層次嘅和音，變成一隻好Complex嘅歌，香港比較少聽到呢一類嘅ballad音樂。」
Erica為另一半首度填詞，用了1個月時間，並改足16稿才收貨，她坦言寫詞絕不容易：「我係背負好多壓力去寫呢份歌詞，用有限的文字，砌成無限意境故事，實在有挑戰性，成個過程我覺得好似砌拼圖咁，喺回憶度記番好多同真實感覺，投放歌詞中表達甜蜜畫面。」
除了填詞之外，徐頴堃化身MV場務，亦為MV主角補妝：「我哋喺大帽山拍MV，氣溫只有1度左右，不過我都忙碌到唔記得凍，著住件T恤撲嚟撲去，到收工先發現自己唔記得著褸，好彩冇凍親！」
