商台爆疫，繼廣播劇《十八樓C座》4名播音員「周老闆」金剛、「祥嫂」朱雪梅、「無牙三姑」陳慕賢與「鐸叔」李錦，以及《公子會》主持劉翁、《口水多過浪花》的麻利後，DJ梁文禮亦初步確診新冠肺炎。
梁文禮今晚在社交平台上載快速檢測呈陽性、政府的病毒檢測初步陽性短訊，以及他一臉病容的照片，留言︰「我26/2星期六覺得唔舒服，當晚有去流動檢測站驗，陰性。28/2星期一晚就勁唔舒服有燒，自己檢測繼續陰性。1/3星期二要去順豐攞已訂嘅檢測包，途中有檢測中心$240檢一嘢，之後拎完檢測包返到屋企又即驗一嘢，而呢兩嘢檢測都positive。我周圍咁多『確診KOL』當然知道要做咩、食啲咩飲啲咩啦~ 所以放心無大礙，雖然今日條線最深色，但係已經精神好好多，係一個好好俾自己同身體休息嘅機會。」
