吳浩康今娶郭思琳 婚前緊張到失眠 綵排已感動流淚 (13:17)

文章日期:2022年03月15日

吳浩康(Deep)今日娶郭思琳(Margiela)。 Deep表示婚禮前兩日已經緊張到失眠,眼淺的他綵排時更哭了出來。他說︰「自己朝早起身去睇set up,企喺度諗要講啲乜嘢?有邊個會嚟?要多謝邊一位?瞓唔到,兩日都5點幾、6點就醒咗,所以都幾攰同幾緊張。朝早自己演練嘅時候已經喊咗。」

Deep讚老婆郭思琳性格及有孝心︰「我鍾意我太太係一個好率直、好簡單嘅人,有乜就講乜,同佢相處唔使估,係好嚮往同佢相處。佢唔止對父母好上心、好愛惜,對其他屋企人都好關心好照顧,好欣賞佢對家庭呢個態度。」被問到給予太太幾多分時,他笑言︰「嘩!畀太太幾多分都唔夠喎,唔可以亂咁畀分,呢個係我啱啱新婚學識嘅事,所以太太一定係超過滿分㗎啦。」

Deep表示要在心態上重新調整,很多事也要重新學習。他說︰「無論係相處、對事件嘅睇法、價值觀都唔同咗,所以依家變得謙卑咗。過往當大家溝通有問題嘅時候,會覺得『喂!你唔明白我』、『我係啱嘅』、『我識呢件事,你應該要聽我講』,依家會調番轉,『可能有啲嘢我唔知呢』、『可能我未識呢』、『可能我唔了解呢』。我都需要重新去學過,希望可以幫到個關係。」

(即時娛樂)