劇透新歌曲風 呂爵安叫粉絲估歌名:大家出街會用到嘅嘢 (01:30)

文章日期:2022年03月29日

MIRROR成員呂爵安(Edan)先後推出個人單曲《E先生連環不幸事件》、《小諧星》及《My Apple Pie》,早前他預告將於4月1日出新歌,但沒有透露是什麼曲風。Edan在社交平台甫出多張拍攝MV的造型照,並劇透今次新歌的曲風,他留言:「先嚟個小小劇透,咁樣應該估到我首歌係咩曲風啦啩!而家再比兩樣嘢大家估吓,(1)係咩風格嘅跳唱?Sexy?有型?歡樂?(2)估吓個歌名/主題係乜?(Hints:係大家出街會用到嘅嘢)#跳唱confirmed #最緊張最囉囉攣的一次 #4月1號」

隊友Stanley(邱士縉)貼了一個圖案劇透,惹來大批網民估是「搭lift」、「升降機」、「Elevator」、「𨋢」等;另一隊友Jeremy(李駿傑)也湊熱鬧,留言「見到都想唱個chorus (同E先生一樣的E字頭)」。至於Edan的「正印」阮小儀則留言:「Woohooo,一定係一首 sexy地有型嘅歡樂歌!又或者係 有型地嘅歡樂sexy歌!再或者係 歡樂feel嘅sexy有型歌!我估我估啱晒!(BTW,你係sexy嘅!)wakakaka!!!!!!!!!」

(即時娛樂)