林日曦新舞台劇來了 網民乜都唔知優先訂飛反應踴躍 (23:00)

文章日期:2022年04月05日

林日曦以「久違了的癲喪式『乜都唔L知優先訂飛』歸來了」為題,於社交平台宣布今年內演出全新舞台劇,但表明未知日期、時間、地點、劇目、演員及題材。他寫道:「這幾年個世界唔同晒,有些人離開了呢度亦有些人入唔到劇院,預計會少了觀眾,這個時候搞舞台劇必定困難重重。」他又說:「人生苦短嘛!唔諗了,少人都搞住先。」他表示盡量在5月演出,萬一訂不到場,一年內一定找數,否則退款。舞台劇的劇本已經寫好,綵排亦在屋企進行中,「只等你哋又再一齊癲。但係講明先:我乜都唔知。」

隨後林日曦再補充,很多人跟他說:「嗰個移民,呢個未打」、「冇人入場,冇人買飛」,他也認同但仍是一句「乜都唔知,乜都唔理」。林日曦說:「我嘅主要觀眾群係二十幾至四十幾歲,即係最多人移民嘅族群;雖然呢個年齡層最多人打咗,但係得1%未打,都已經有好多人。你知我知單眼佬都知,點計今次都係少啲人。加上入座率限制,令到每場成本上升收入下降。所以『睇定啲先』一定係啱。但今日有今日嘅意外,聽日有聽日嘅擔心;我真係唔想再等,好悶。」明早(周三)10時開始登記訂飛,網民反應熱烈,有身在英國的網民問票務,表示會訂機票返港捧場。林日曦回應:「若問何謂癲喪,莫過於此。我當然感動,但在此必須強烈勸喻他及其他有類似打算的人,唔好啦。」

(即時娛樂)