湯怡和麥秋成婚後育有女兒「麥QQ」，熱愛瑜伽的湯怡身材和皮膚都保養得宜，她閒時愛玩Instagram的「你問我答」，不時分享湊B心得，甚至變成解答愛情信箱。有網民表示被產後脫髮問題困擾：「甩得好恐怖，點算好？」湯怡在Ig貼出髮線上移照片，並自爆產後半年開始出現脫髮問題：「產後脫髮呢個事實好似真係改變唔到，只係睇下有無產品可以幫助甩少啲，我係產後半年先甩（髮），之前一洗頭都嚇親自己，成個髮隔都係頭髮，日日如是，諗緊仲有幾多頭髮要甩，不過生返出嚟喇，之前勁多天線，而家生到好似無啦啦短咗一忽咁，過多一兩個月就融為一體，所以你唔使驚呀，係時間㗎咋。」
