李璨琛（Sam）和老婆梁志瑩的4歲囡囡李元元（Lucy）喜歡唱歌跳舞，更是張天賦的粉絲。昨天（9日）Lucy媽在社交網貼了Lucy身穿泳衣冲涼的照片及片段，片段中Lucy邊唱歌邊玩玩具，唱得投入又開心，Lucy媽還笑問有無人有興趣幫Lucy出唱片：「佢日日喺屋企，做得最多就係唱歌，基本上佢嘅歌聲真係繞樑三日，今次唱到入廁所，個出水芙蓉最近迷上咗首新歌，成日一路唱一路玩bath toy，沖成粒鐘都未出嚟。
有研究顯示話沖住涼唱歌會好聽啲，佢應該都覺得自己唱得幾好聽，你哋又點睇？順帶一問，有無人有興趣幫佢出唱片？佢應該會爆紅（我心諗）。 #明明沖涼又要著泳衣 #人哋怕醜呀 #趁青春留倩影 #最後沖到皺皮。」
