李璨琛（Sam）早前為監製新劇《心靈師》開工，劇集最近埋尾，由於忙拍新劇兼夜收工，搞到Sam的4歲囡囡李元元（Lucy）很久沒見爸爸。Lucy媽梁志瑩今天（13日）陪囡囡去探班，兩父女溫馨合照，Lucy還靜靜看着爸爸拍戲，梁志瑩亦挨住老公合照放閃。
昨天（12日）梁志瑩帶囡囡到音樂農莊，Lucy媽甫見到粉紅色的花便衝埋去自拍，Lucy此時冷靜問媽咪：「媽媽啲花係真㗎？老母仔細一望，先發現原來啲花全部都係膠嚟㗎 #lucylee究竟係咪串緊我 #點諗到咁大個農場咁多田會放啲花膠樹㗎啫 #確係有幾秒覺得自己𤓓咗 #一粒LUCY」。
