陳穎欣師妹林千渟食外賣食到厭 上飲食節目求健康餐單 (22:00)

文章日期:2022年04月14日

陳穎欣(Yanny)早前亮相香港開電視節目《疫境中的餐桌》「搞搞震」後,其師妹林千渟近日獲邀擔任該節目嘉賓,與名廚張錦祥(Ricky)及余健志(Jacky)炮製美食。

近年轉攻電影的林千渟甚少上飲食節目,更稱比想像中容易,她說︰「因為有廚師喺隔籬陪住,而且好多食材都準備好,我成日覺得煮嘢食最難嘅係準備好適合食材,今次係好好經驗。」

疫情期間,不少拍攝工作延期,林千渟多留在家中,下廚比以往多,她說︰「有時候叫外賣真係叫到好攰同埋好悶,想試吓啲新嘢,同埋想食得健康啲,始終外賣比較鹹又多味精,疫情下真係入多咗廚房,因為想煮多啲健康少少嘅嘢食。」今次上飲食節目,她學了不少健康煮食方法,她說疫情下要「養生」︰「好似點樣唔落油去煮雞扒,細個時候就會鍾意食炸嘢,但人大咗就會諗想食多啲健康嘅嘢。」

早前參加真人騷節目《賭命夫妻》的李月兒(Luna),也擔任其中一集嘉賓。由於老公開餐廳及愛下廚,故平時Luna甚少下廚,她笑言今次上飲食節目要「學有所成」,她說︰「佢煮西餐多同鍾意研究肉類,平時讚牛肉嘅脂肪靚多過讚我靚,好激氣。節目上同廚師由頭到尾煎牛扒同火炙和牛粒,原來煮西餐冇想像中咁麻煩,我決定返屋企整畀老公食,威番一次畀佢睇。」

(即時娛樂)