《金宵2》黃婉華塗黑皮膚演菲傭惹爭議 曾志偉稱唔存在歧視:係劇情需要 (17:10)

文章日期:2022年04月17日

無綫劇《金宵大廈2》其中一個單元故事「姐姐」,因演員黃婉華塗黑皮膚飾演菲傭被指涉歧視,事件惹熱議。

無綫總經理曾志偉今天(17日)出席《2022香港小姐競選》「全球招募」記者會回應此事:「我覺得大家誤會,以為飾演外籍人士,特登塗黑個身去扮佢,其實角色需要係菲律賓人士,後來佢變白,咁就難喇,你唔能夠搵一個菲律賓人搽番白佢,所以只能搵個藝人搽黑咗先,然後後來變番白。正如我哋拍電影,如果我哋要做外星人,我唔能夠搵個外星人嚟做,我哋要扮外星人,扮外星人唔算種族歧視外星人,所以呢個係劇情需要,唔係話因為嗰個外籍人士去扮佢而特登將佢搽黑或者乜嘢,其實係劇情裏面演變,所以只能夠擇其一,一係黑變白,一係白變黑,所以唔存在種族歧視呢件事。」

(即時娛樂)