阿正廚房驚現半隻「小強」 笑稱靠MIRROR海報「上樓」 (17:11)

文章日期:2022年04月20日

由MIRROR成員李駿傑(Jeremy)、商台DJ黃正宜(阿正)、收納執事阿橙和氣場執事JanJan主持的ViuTV新節目《GO!執!事務所》昨晚(19日)播出第2集「痴女雜物收藏『家』(下)」。Jeremy幫阿正執拾家居,阿正將貓籠當作儲物架,內藏不少雜物。阿正在《膠戰》化身「花癡」冧爆魏浚笙,她的家中被發現有30張印上「『笙』年快樂」字眼的揮春,阿正還當場派給工作人員,她向Jeremy笑稱:「有一次做訪問,有人留言祝我同Jeffrey快啲結婚,佢哋以為係真,我想講,come on,我哋只係熒幕情侶,真係唔好信以為真,我都好想Jeffrey同女友快啲結婚。」

阿正執東西時,竟發現1000元利市;Jeremy同時發現阿正將MIRROR和他的海報亂放,阿正聞言即搞笑說:「呢個我同你講,我買樓就靠呢疊(指海報),如果有日有記者問我,你第一桶金係點掙番嚟?但我唔捨得賣,呢個好有紀念價值,我唔會賣。」

執拾完客廳及睡房後,輪到收拾廚房,其間Jeremy落手落腳幫阿正抹廚櫃,JanJan亦再次說阿正屋企好臭,字幕亦打出:「你屋企『氣』場真好差。」阿正聞言說:「依家我發爛渣,成日話我屋企啲嘢好臭。」當他們打開雪櫃,阿正立即阻止:「唔好睇雪櫃,雪櫃好臭。」之後Jeremy打開雪櫃,有大陣異味飄出,Jeremy說:「好大陣蘿蔔糕味。」

JanJan之後拉開廚櫃時,赫然發現裏面有半隻蟑螂頭,阿正說:「我擔心大家嚟我屋企執屋時,會見到啲奇怪嘢,我覺得極其量係前度物品、蜘蛛呀,半隻蟑螂頭?OK,我又輸咗,我心諗應該唔會再有『小強』,因為我盡咗好大努力殲滅佢哋,但估唔到仲有半隻。」

(即時娛樂)

 

相關字詞﹕黃正宜 魏浚笙 李駿傑 Go﹗執﹗事務所 小強 熒幕情侶 買樓