前女團HotCha成員張惠雅（Regen）日前接受電台訪問時，稱在HotCha年代與隊友時有爭拗，與黎美言（Winkie）吵得最多，還指對方遇上不喜歡的事便直接說出來，未必人人能容忍其性格。
Regen此番話挑起Winkie的神經，Winkie在Instagram連續發文公開鬧爆她。Winkie說︰「其實你過好自己人生，我覺得冇必要再喺你訪問度提起評論我，我哋已經係分開個體。因為對我來講，我都頂唔順你哋性格，人前人後一套，無team spirit，全為自己私心，唔係我當初追求嘅嘢。我鍾意一齊成功而唔係分開成功，所以係我唔玩。無奈我一直為咗大體，唔想影響大局，隱藏自己感受多年，很痛苦，啞忍15年我現在終於落到決定。我覺得坦誠善良相處，絕對好過俾人出賣。希望有一日你哋都能夠懂得檢討自己，不要在人前扮成弱者。關係係雙方不是單向，社會很多人都有情緒病，我亦試過，唔代表我唔出聲。不要用這種手法宣傅自己新歌。I am Serious Now. Get Out of my Life.」
Winkie又反問是誰多年來一直傷害她，要求這人停止。她又說︰「弟弟離開的傷痛，只有一年多，其實我仍在適應中。你訪問說話前可否思考一下？你focus自己可以了。這不是敢言，而是魯莽草率。Please不要再在別人傷口上繼續灑鹽，Leave me alone child。」
對於Regen指她遇上不喜歡的事便直接說出來，Winkie反駁︰「咁你就要諗吓，點解我鍾意直接講，就係唔鍾意你哋喺背後做咁多小動作，純粹私心，想行個人路線或得到個人利益。我只知道要團結先會成功，承諾就係承諾。一路以嚟，做咁多小動作傷害我。我覺得咁多年，手指只係識指向人，可以試吓檢討吓你自己，高傲自滿嘅性格，都未必頂得你順。我正式宣佈呢個組合我唔會再有興趣重組，粉絲們抱歉。15周年我曾經嘗試為你們爭取過演唱會，最後我選擇自己心靈行先。你無辦法想像忍耐15年有幾受傷害。That's enough to end this﹗」
Winkie說自己今次「真正放得低」，一直因為粉絲才不說出來。她強調︰「I always try to be kind patience, but don't take it for granted﹗」
