陶傑評MIRROR係虛火 救唔到香港音樂影視工業 (18:02)

文章日期:2022年04月29日

人氣男團MIRROR爆紅,近日宣布舉行紅館演唱會掀起撲飛潮。12位成員唱歌、拍戲、拍廣告,粉絲走在街上,隨處可見到他們的身影。

陶傑日前主持電台節目《光明頂》談及曾江逝世一事,指曾江曾演出多部荷李活電影,包括在《新鐵金剛之不日殺機》中飾演重要的反派角色,可見西方電影工業知道Casting,相反華語電影甚至整個亞洲卻存在年齡歧視。他說︰「依家香港都係,睇嚟睇去都係MIRROR。MIRROR唔係唔好,你可以喺情感方面向佢投射,但12件咁嘅嘢呢,樣樣小鮮肉搓埋一團麵粉拉番出嚟,我唔覺得分得開邊個打邊個囉。你有啲人話分得開啫,我唔覺得係。所以呢啲係虛火嚟嘅,對唔住,你可以有一種咩傘後,或者2019年之後,你自己嗰種一廂情願的政治情感投射,但係MIRROR係救唔到香港嘅音樂工業同影視,對唔住,呢一行要真材實料,係要深度同內涵。」

(即時娛樂)