朱智賢被木蝨咬至雙腳又紅又腫︰最後2星期完全瞓唔到 (17:21)

文章日期:2022年05月15日

朱智賢今日在社交平台上載雙腳被咬到一撻撻又紅又腫的照片,自爆過去一個月被家中的木蝨問題困擾,最後要暫時「離家出走」,請滅蟲公司上門滅蝨。

她說︰「在家裡懷疑發現木蝨嘅蹤影,木蝨呢兩個字聽就聽得多,原來當佢出現喺你屋企嘅時候,係真係好可怕﹗整整一個月時間受到困擾,咬咗嘅皮膚會又痕又痛起水泡,而被咬嘅次數係每日增加。去到最後兩個星期完全瞓唔到,每日係會痕到醒!就算食咗會令人昏迷嘅抗組織胺藥都無用,一樣係會痕醒!由於已經嚴重影響到我日常生活,夜晚瞓唔到覺,日頭會因為長期睡眠不足而唔可以正常function到個人,亦都無胃口食嘢,所以最後離開屋企搵滅蟲公司解決。」

雖然滅蟲公司進行了兩次滅蝨,朱智賢仍然心有餘悸,回家首晚因擔心又被木蝨咬而幾乎失眠,之後又發噩夢被木蝨及牛蜱咬,驚到嚇醒。她目前忙於處理滅蟲後的家居清潔工作,希望腳上的疤痕早日消退。朱智賢說︰「今次呢個經歷又再remind我,做人最緊要身體健康,無病無痛,如果唔係真係唔會開心。喺呢度亦都希望大家身體健康,希望我今晚可以好好瞓一覺。」

(即時娛樂)