歲半Harper晚晚唔肯瞓 雨僑嘆女兒提早進入2歲反叛期 (18:56)

文章日期:2022年05月22日

雨僑前年8月為丈夫羅力威誕下女兒羅約彌(Harper)後,主力照顧家庭,不時在社交平台分享湊女樂。Harper今年8月才兩歲,但雨僑表示女兒似乎已提早進入「Trouble Two」2歲反叛期。

她說︰「我覺得佢提早Trouble 2。大半年嘅入睡儀式,八點瞓嘅routine,第一次崩壞。呢個人幾日前突然第一次臨瞓著話要落牀,話又話過𧨾又𧨾過。而其實佢最近變得好有主見,本身已經好硬頸,再加埋依家已經會講完整句子,佢要落牀你又可以點?Limited choice、瘋狂叫佢入番房,陪玩陪睇完一本又一本書,又開大又開細,唔攰到自己喊晒都唔瞓。」

雨僑最後決定讓女兒自由發展,希望女兒見到她繼續睡覺,會自動自覺返上牀,豈料Harper一於少理。雨僑說︰「今晚我決定由得佢,我扮瞓,喺房期待佢有半點唔好意思會自己番嚟,結果喺廳嘅爸爸問佢,你點解自己一個行出嚟呀?媽咪呢?佢話…Already sleep。佢係咪覺得自己𧨾咗我瞓,可以出去睇電視?」

(即時娛樂)

相關字詞﹕雨僑 羅約彌 羅力威