4歲Lucy被阿媽爆拍廣告趣事 童言童語為現場注入輕鬆氣氛 (13:12)

文章日期:2022年05月28日

李璨琛(Sam)的4歲女兒李元元(Lucy)表演慾強,喜歡扮鬼扮馬,可愛又搞笑,今年3月獲得「父母最喜愛小朋友KOL大獎」。Lucy近年參與了不少廣告拍攝,又曾獲邀與爸爸一同出席活動,大受粉絲及廣告商歡迎。Lucy最近又變身「廣告從業元」,以電單車好手形象拍攝飲品廣告,Lucy媽媽Sophia分享女兒拍攝時的趣事。

她說︰「有一次,導演嗌完action,全城人等緊LU姐講嗰句對白,靜咗3秒,佢好淡定咁爆咗句:『哦~~~呢句(對白)其實係好簡單嘅啫~~~』引得全城大笑,踎喺度攞住反光板同收音大叔仲笑到跌咗落地下。又有一次,有個shot做咗幾次其實已經收貨,導演有少少貪心想叫佢做多次,佢即刻大叫:『我真係好熱喇⋯⋯』結果導演加全城工作人員即刻收皮話:『啊!好啦好啦!其實有㗎喇!』個場面有如公主一聲令下成班公公退下咁款。」

Sophia坦言Lucy每次拍攝前,她也有種無形壓力,擔心女兒會扭計不合作,幸好女兒每次的表現也超乎她想像。Sophia說︰「佢嘅童言童語更為現場注入不少輕鬆嘅氣氛。」

孫慧雪留言讚Lucy太可愛,「鐵粉」蔣家旻則說︰「爆得意啊佢!佢嘅得意鄉音我完全聽唔明,要睇字幕。李老豆可以正式退休﹗」

(即時娛樂)