花姐望盧瀚霆學懂休息 勿只顧努力向前衝 (23:17)

文章日期:2022年05月29日

MIRROR經理人花姐(黃慧君)日前應加拿大中文電台節目《逍瑤郭杜》邀請,與當地的「鏡粉」(粉絲暱稱)進行網上見面會時,大讚盧瀚霆(Anson Lo)做過很多令她感到驕傲的事。

她指Anson Lo是個努力到你會叫他停的人,也不會為得到過什麼獎項、成績而驕傲及停下來,相反會繼續向前跑。花姐說︰「我敢講佢係12個裏面,我認為佢係撐得最多嘅人,好大力撐嘅人。不過,要勸佢休息吓。」談到Anson Lo每天不停工作,只有數小時休息。花姐說︰「有啲神徒都會send message嚟鬧我,話我點可以編個咁嘅schedule畀教主,但Anson Lo個性格係,如果中間有3個鐘頭,佢都寧願將嗰3個鐘頭去做Gym、學唱歌,佢係將自己個schedule塞爆嘅人。」

花姐曾表示從不覺得Anson Lo靚仔,有神徒問她現在可有對他改觀時說︰「喂啊!點解要迫人讚佢靚仔,我心目中只有許光漢最靚仔!盧瀚霆係有靚仔嘅時候,但佢最靚仔嘅時候,係我私底下見到佢,可能冇化咁濃妝,私底下同佢傾偈,好舒服個樣,嗰個樣係最靚仔。佢係一個暖男,好關心、溫柔同你傾偈,你話幾靚仔!如果換咗許光漢個頭就仲好!」

(即時娛樂)