林日曦成功趕老婆出山 the pancakes相隔9年再開騷 (23:23)

文章日期:2022年06月03日

「腦細」林日曦的舞台獨腳戲《大初戀日》再三加場,昨日他宣布29場門票售罄,不再加場,但場地尚有兩日演出檔期,下午4時許在社交網寫道:「我突然間有一個很喪的諗法... ...」這兩日檔期是在他的演出中間(6月7、8日),說:「我突然喺度諗... ...有一條友好耐好耐都冇開過音樂會(差不多10年),我想說服佢用嗰兩日、用我個佈景、用我啲音響、用我啲同事,幫佢搞兩場『突發攝位復出冇任何idea純粹以歌會友音樂會』... ...純粹發吓夢,因為一來唔知場地批唔批准咁樣做,二來要說服佢肯出山仲難過登天」

林日曦所指嗰「條友」是the pancakes蔡明麗,正是他的太太。他自爆為此被老婆「睥住」又搞喊她,至今日凌晨4時獲最後答應出山。the pancakes的「隊員(歌迷)」興奮歡迎隊長歸隊,她對上一次公開演出是2013年12月於九展舉行3場《地球很危險音樂會》。

林日曦再補充昨日提出舉行音樂會是突然想出來的,他說:「對天發誓,全部係尋日突然諗出嚟,毫無預謀,四日後就嚟(在我演出中間攝兩日)唔係咁樣突然殺佢一個措手不及,我諗佢一世都唔會再開show。」多年來林日曦被指收埋老婆,唔畀她演出,有網民留言:「你終於肯放返隊長(蔡明麗)出監啦!」林日曦被冤枉,回覆:「你都唔知我趕咗幾多次佢出去... ...佢唔敢我都冇計。」

終於輪到the pancakes再向她的「隊員」說話,宣布舉行《the pancakes 亂入大初戀日喊足成晚音樂會》,她寫了二千多字長文解釋演唱會的安排,並形容「此乃一個自我滿足、不興奮的沉悶音樂會,只適合我最忠實的隊員」。她提到「冇見咁多年,我好似全地球正常人類一樣都係會老咗的,希望大家高抬貴手唔好討論我有冇老或老咗幾多」、「我嚮往斷捨離,多謝大家心意,不用送禮,謝謝」、「我依家真係好容易喊,可能由開頭喊到尾令人覺得煩厭,接受到的話,都唔洗擔心我,我唔開心又喊,開心又喊,感動又喊,街邊隻貓痾唔出屎又喊,我淨係喊,冇事的」,她又講明林日曦不會是嘉賓而她也不會跟對方合唱,因為她有強烈的自尊唔想靠佢(老公)吸引人買飛和搞熱個氣氛。最後是「總之,多謝大家盲目的支持。」

(即時娛樂)