Anson Lo首執導演筒驚慌體驗 不修邊幅騷麒麟臂:造型係我史上最污糟 (22:02)

文章日期:2022年06月08日

MIRROR成員盧瀚霆(Anson Lo)今天(8日)推出全新跳唱歌曲《King Kong》,並首次擔任MV導演,以虛擬背景拍攝超現實故事情節。首次執導的Anson Lo坦言,這是一次難以忘懷的驚慌體驗。

《King Kong》MV靈感來自《移動迷宮》系列電影,Anson Lo希望能向電影致敬,所以MV的開場參考電影拍攝,他說:「喺升降機上咗嚟之後,就去到一個乾旱嘅沙漠,大家為咗爭一支水,而展露唔同人性嘅決定,作出乜嘢選擇,其實成個故事配合歌詞內容,比喻人為求得到想擁有嘅嘢而競爭、比賽,但好多時同自己比較或者贏自己之餘,好大機會可以一齊贏,大家一齊擁有好好成果,可以分享。」

今次Anson Lo首次擔任導演,他形容是一個很驚慌的體驗,他解釋:「冇諗過自己要參與嘅部分有咁多,以往自己expect(預期)做導演可能只係諗MV橋段,大家著乜嘢衫,好片面嘅設計概念,但今次執導《King Kong》之後,就發現好多嘢都要顧及,除咗要顧及storyline(故事情節),仲要顧及幕後製作,例如rundown(流程),或遇到困難時,要調整拍攝次序,甚至演員演繹方法、情緒,導演都有責任去講,去主導呢件事。今次係一個驚慌嘅經歷,因為發現自己好多嘢都唔識,喺幕後管理方面,好多嘢都唔識,要人哋教我點去做稱職導演。」

Anson Lo表示,這為他帶來無比壓力:「如果話自己係呢個MV導演嘅時候,就好似MV 100%好與壞都完全自己造成,所以由day 1開始,都好想確保MV質素係好,或者表達故事同《King Kong》本身首歌詞係sync(同步),呢個係最大壓力來源。」

Anson Lo另一個壓力來源,相信是因為拍攝上的不確定,事關今次MV很多畫面都要配合虛擬背景,於現場同步處理拍攝,過程中困難重重,他說:「以往都試過book酒店或用廠景拍攝,但今次用咗虛擬背景,喺虛擬世界就乜嘢都有可能,就算空間感、大細,同背後物件距離,都可以自由調節,係好大嘅自由度,但佢嘅困難度唔比實景少,今次拍咗兩日,最大嘅困難係連接上有阻滯,變相用咗好多時間喺轉set,會用上半個鐘或者一個鐘去重新set up,係好消耗時間嘅一個拍MV方法,但今次用新方法拍攝,係好得意嘗試,可以用到一啲場景係喺香港現實生活中未必有嘅場景,當係喺不存在未知世界裏面去進行故事情節。」

由於現場各個場口準備需時,加上拍攝內容甚多,結果今次拍攝時間,打破了Anson Lo過去所有個人MV。Anson Lo說:「《King Kong》分開咗兩日拍,因為拍嘅嘢實在太多,故事情節同跳舞比例,比起以往多好多,所以2日合共用咗接近40小時拍攝。以往拍攝Solo MV,最多只需20多個小時,所以今次係拍攝時間最長一次,亦係最攰一次,因為開拍之前拍緊劇,跟住連續拍兩日MV,中間出席咗一個工作event,拍完day 2後就要立即去拍劇,拍劇後又要再做第二樣工作,結果咁多日只係瞓咗3小時,所以休息時間亦係最少嘅一次,係一個破紀錄嘅MV。」

既挑戰導演工作,又挑戰最長工時,Anson Lo還挑戰了自己對造型上的愛美標準!既穿上背心大騷麒麟臂,更滿身傷痕,不再青靚白淨!Anson Lo笑言:「今次MV造型係自己史上最污糟邋遢、最不修邊幅,對我standard嚟講係好大膽挑戰,因為我通常著長袖,得兩件layer算少,而且一定長袖、西裝居多,希望今次MV會令大家覺得同以往嘅Anson Lo嘅跳唱造型有啲唔同。」

繼去年電影《假冒女團》後,Anson Lo於《King Kong》MV中亦有親身上陣拍攝拳拳到肉的武打場面,他說:「呢個MV裏面有啲動作武打場口,今次嘅動作亦係以往拍戲時未試過,對上一次武打場口,係去年拍攝《假冒女團》,當時學咗好多同功夫、踢腿有關嘅嘢,今次嘅打鬥就比較貼地少少,冇咁專業踢腿招式,但今次用嘅招數係我未試過,例如趴地被人拉去後面,係喺電影常見嘅情節,但今次自己就可以試吓。」

(即時娛樂)