91歲黃夏蕙宣布8月離港︰我會好掛住大家 (12:49)

文章日期:2022年06月10日

91歲黃夏蕙在社交平台宣布將於8月離港,揚言無論身處世界某一個角落都會掛住大家。有「夏蕙BB」外號的夏蕙姨,多年來風雨不改,每年大年初一子時,均會以當年的生肖造型到黃大仙祠上頭炷香,成為每年的焦點。夏蕙姨近年關心時事,更曾想參選投身政治圈。

夏蕙姨今早在社交平台上載與經理人Simon的合照,宣布將於8月離港。她說︰「十年人事幾番新!唔經唔覺,同我經理人小肥豬Simon,一齊共同努力咗十年,佢見證住我人生最低潮嗰一刻,亦在我最低潮同黑暗嘅年代,幫我重新包裝形象,由D&G事件開始,叫我關心社會事情,教我用搞笑嘅手法,與民同樂。呢段時間,雖然艱辛,不過真係好開心!無奈,我懷着好唔捨得嘅心情!我要同大家講一句,8月我要走啦!我唔知幾時可以再喺香港同大家見面!我唔知大家會唔會掛住我!此時此刻,我只會同大家講,我無論身處世界某一個角落,我都會好掛住大家!今個月12號星期日,將會係我同經理人最後一次訪問錄影,我會好懷念呢一刻!直到永遠。再次多謝大家,有緣再會!」

不少網民對夏蕙姨即將離港感到不捨,感慨以後再見不到她上頭炷香,但也紛紛向她送上祝福。

(即時娛樂)