一人樂隊the pancakes（蔡明麗）在丈夫林日曦的安排下復出舞台，相隔9年再開騷，日前（6月7、8日）終完成兩場《the pancakes 亂入大初戀日喊足成晚音樂會》。林日曦在社交平台發文講感受，他先多謝一眾幕後同事幫忙，令這個音樂會可順利舉行，更特別多謝後台同事擔心蔡明麗會在台上喊到崩潰，特別準備了大盒紙巾給她。
林日曦說︰「我真的要再三非常非常感謝各位成就這件事。上圖中呢個紙巾盒，係後台同事驚阿cake喺台上面喊到崩潰，所以專登預備俾佢。有cake個logo喺上面！人手製作！仲有監製同埋佢啲同事為阿cake而準備嘅其他所有所有細節，都令我哋好感動。我真係要再四再五再六感謝你哋所有人。亦懇請所有cake fans都不要忘記多謝佢哋每一個人。係所有工作人員嘅熱情+愛+積極籌備幫忙，才可以令呢件事發生到，而且發生得咁美麗同專業。最緊要係，令虧龜cake夠膽行番出嚟（兩晚咁多）。感謝感謝感謝感謝感謝感謝感謝感謝感謝感謝感謝感謝感謝感謝感謝......講唔完的感謝。」
