葉巧林 Serrini延續「攣情」合唱《Take Me or Leave Me》 (21:31)

文章日期:2022年06月11日

葉巧林(Mischa) 自從去年在個唱中將她心愛的音樂劇元素搬上舞台後,她跟舞台劇連結起來,先後兩度參演《Disney in Concert》之外,近日在其YouTube Channel也帶來音樂劇系列。Mischa邀兩位嘉賓,分別是她的「另一半」Serrini,而另一位是她的「王子」、著名音樂家Freddy Au Yeung (歐陽豐彥)合作擦出火花。

形容Serrini是Mischa 的「另一半」,因為她們在去年公演的音樂劇《攣攣成人禮》中,飾演一對女同志戀人,所以當Mischa一想要找個女歌手合唱時,已即時想起找Serrini!她說:「因為喺《攣攣成人禮》嘅合作,我覺得我同佢把聲係神奇地夾!而且套劇演出後,聽到好多feedback 都係好嘅,我覺得同佢之間嘅化學反應幾奇妙,所以今次搵佢,好開心亦好好彩佢好快就答應。」Mischa用心揀歌,特地選唱首套將同性戀搬上百老滙舞台的搖滾音樂劇《吉屋出租》(Rent)的《Take Me or Leave Me》翻唱,Mischa指:「因為我想有首女女合唱歌,就即刻諗起《Take Me or Leave Me》,因為首歌本身已經係好似一對情侶喺度嗌緊交咁,我覺得今次好似延續番我哋《攣攣成人禮》嗰段關係,希望大家都會喜歡呢首歌。我哋平日唱好多廣東歌,今次試下唱英文嘅音樂劇嘅cover,想大家聽下有咩感覺,喺睇我哋嘅另一面之餘,又可以睇埋我哋會產生啲咩火花。」至於她跟Freddy合唱迪士尼動畫《長髮公主》(Tangled)的《I see the light》,讓她如願做公主!

(即時娛樂)