許廷鏗承諾找數一年出兩碟 擬年底舉行戶外演唱會 (17:53)

文章日期:2022年06月13日

許廷鏗(Alfred)昨晚(12日)一連走兩場,先到中環海濱為戶外藝術展活動擔任最後一場壓軸表演嘉賓,之後趕到紅館出席好友鄭欣宜演唱會。C AllStar成員吳崇銘則以DJ King身分在台上打碟獻技。

Alfred表示喜歡戶外開騷,因氣氛不同,只擔心天氣難料。他透露有意年底開演唱會,正考慮戶外舉行的可行性,「4月推出專輯《2021》後,打算今年底會出多一張,因為我應承要找數,一年出兩碟。到時會搞簽唱會亦計劃做騷,最希望疫情過去,在戶外舉行,大家可以除口罩,呼吸新鮮空氣就好」。

DJ King表示近日天氣麻麻,經常落雨,故他打碟時盡量以舒服和輕快音樂為主,幫助調節樂迷心情。提到原本舉行的「C AllStar x Mr.」 戶外音樂會去年延期至今年舉行,結果還是決定取消,原因是演出檔期出問題。DJ King說:「好似愚人節,係又唔係咁,自己沒抱好大期望,所以不特別失望,相信之後還有機會開騷。」

(即時娛樂)