陳凱琳胞弟被指跟父親唔似樣 林作以100萬驗DNA挑機 證父子關係 (18:13)

文章日期:2022年06月21日

陳凱琳(Grace)的孖生弟弟Derek,日前在社交網貼了和爸爸合照慶祝父親節,相中兩父子表現鬼馬,陳爸爸吮手指並坐在兒子大腿上,十分搞笑。由於Derek的膚色較爸爸深色,加上Derek有混血兒外貌,被指跟爸爸不似樣,曾惹網民熱話。

而林作繼續發揮「抽水」本色,他表示樂意用100萬元挑機Derek,要幫二人驗DNA,看看是否兩父子,林作在社交平台寫道:「本人願意用100萬港幣向Derek Chan not Cheung發出挑戰:畀你一條毛畀我。同埋你老竇一條毛。如果DNA比照證實你哋係父子,我畀100萬你。如果唔係,順便比照係咪有印巴血統。順便咋,純八卦,驗到冇嘅我都畀100萬你。冇他,純粹之前嗰個Derek畀咗我一百萬零用錢冇碇使。同埋真心好奇及堅信不移。Derek,你願意接受挑戰嗎?」

林作在Ig發文:「搞笑、抽水,並沒有什麼過分與不過分,因為這是言論自由。而往往最好笑嘅嘢,係你覺得唔應該笑但係人嘅反應好自然不禁發笑。我嘅職責就係為大家觸碰呢啲taboo禁忌話題,讓大家開懷、釋懷。我都淨係問一句:假設佢哋真係同我玩做基因鑑定,咁你會唔會睇個結果係點啊!你會選擇唔睇!?」、「其實絕大部份時候我只係講出其他人唔夠膽講嘅嘢。係我願意突破盲腸咋。」

至於Grace及其家人未有回應,但Grace卻在社交網貼出美背照片,大騷白滑靚背。

(即時娛樂)